اسلام آباد۔17دسمبر (اے پی پی):وفاقی وزیر داخلہ شیخ رشید احمد نے سینئر صحافی طارق محمود ملک کے انتقال پر اظہار افسوس کیاہے۔ جمعرات کو وزارت داخلہ سے جاری بیان کے مطابق وزیر داخلہ نے کہا کہ طارق محمود ملک ایک زیرک اور ذمہ دار رپورٹر تھے- وزیر داخلہ نے طارق محمود ملک کے اہل خانہ کے ساتھ تعزیت کا اظہار کیا۔ انہوں نے کہا کہ اللہ رب العزت مرحوم کی مغفرت اور درجات بلند فرمائیں، اور اہل خانہ کو صبر جمیل عطا فرمائے ۔
