وفاقی وزیر ریلوے حنیف عباسی کا سابق ناظم بریار ملک حامد صفدر کی وفات پر اظہار تعزیت

اٹک۔ 18 جولائی (اے پی پی):سابق ناظم یونین کونسل بریار اور معروف سیاسی و سماجی شخصیت ملک حامد صفدر کی وفات پر وفاقی وزیر ریلوے حنیف عباسی تعزیت کے لیے اٹک پہنچے۔

وہ مرحوم کی رہائش گاہ شین باغ اٹک گئے جہاں انہوں نے مرحوم کے بیٹوں ملک علی حمزہ صفدر، ملک حاشر صفدر اور ملک روحیل صفدر سے ملاقات کی اور گہرے دکھ و افسوس کا اظہار کرتے ہوئے مرحوم کے درجات کی بلندی کے لیے دعا کی۔

اس موقع پر پاکستان مسلم لیگ (ن) کے راہنما اور چیئرمین ہیلتھ کمیٹی ملک حمید اکبر خان بھی موجود تھے۔