وفاقی وزیر ریلوے شیخ رشید احمد کی پریس کانفرنس

لاہور۔15 دسمبر(اے پی پی )وفاقی وزیر ریلوے شیخ رشید احمد نے کہا ہے کہ عوام چاہتے ہیں کہ بددیانتوں کو انجام تک پہنچایا جائے ۔ وہ ہفتہ کے روز ریلوے ہیڈکواٹرز لاہور میں پریس کانفرنس سے خطاب کر رہے تھے۔اس موقع پر دےگر رےلوے افسران بھی موجود تھے، وفاقی وزیر ریلوے نے کہا کہ پاکستان کی پارلیمنٹ میں کوئی بھی مجھ سے سینئر سیاستدان نہیں مجھے کلاشنکوف کے کیس میں 7سال قید سنائی گئی کسی نے 3سال تک بھی پروڈکشن آرڈر جاری نہیں کئے تھے۔۔ ایک سوال کے جواب پر ان کا کہنا تھا کہ حکومت اس وقت دن رات محنت کر رہی ہے انہوں نے آصف علی زرداری کے حوالے سے سوال پر کہا کہ فالودے والے کا کیس بھی آےا تو لگ پتہ جائے گا، ریلوے کی کارکردگی کے حوالے سے سوالوں کے جواب دیتے ہوئے شیخ رشید نے کہا کہ 10سے 15دنوں میں ٹرینوں میں ٹریکر کی سہولت فراہم کر دی جائے گی جس سے ےہ پتہ چلاےا جا سکے گا کہ کونسی ٹرےن کہاں پہنچی،انہوں نے کہا کہ پاکستان ریلویز نے 3ماہ میں 25کروڑ روپے کا تیل بچایا انہوں نے کہا کہ پاکستان ایئرفورس سے فیول کی ٹرانسپورٹیشن کے لئے بات چیت چل رہی ہے 23دسمبر کو رحمان بابا ایکسپریس پشاور سے کراچی کے لئے چلے گی دسمبر کو کنٹےنر فریٹ ٹرین چلائی جائے گی جبکہ 25جنوری کو دوسری فرےٹ ٹرےن چلے گی اسی طرح 23مارچ سے پہلے چار فرےٹ ٹرینیں چلانے کا ٹاسک دیا گیا ہے۔ وفاقی وزیر نے کہا کہ کھاد کی سپلائی ٹرین کے ذریعے شروع ہو چکی ہے 11 ٹرینیں کھاد کی سپلائی پر لگا دی گئی ہیں انہوں نے کہا کہ ہیڈکواٹرز لاہور میں کنٹرول روم کو جدید بنانے کی کوشش کی جائے گی انہوں نے کہا کہ شدید فوگ کی صورت میں راولپنڈی لاہوراور کراچی کےلئے ٹرےن سٹےنڈ بائی ہوںگی انہوں نے کہا کہ رواں سال وی وی آئی پی ٹرین چلانے کی خواہش ہے جو فائیو سٹار ہوٹل چلائیں اس حوالے سے انہوں نے رابطہ بھی کےا ہے،وفاقی وزیر نے کہا کہ رواں ماہ ایم ایل ون پر فیصلہ ہو جائے گا جو وزیراعظم کریں گے اس سے تمام کراسنگز ختم ہو جائیں گی اور ٹریک کی فےنسنگ بھی ہو جائے گی انہوں نے کہا کہ ریلوے کا کمال تب ہوگا جب فریٹ ٹرینوں کی تعداد 20ہو جائے گی،انہوں نے کہا کہ اس وقت ریلوے ٹریک پر جتنی گنجائش ہے اتنی اضافی کوچز لگا کر ٹرینیں چلائی جا رہی ہیں۔ انہوں نے کہا کہ یہ فیصلہ کیا گیا ہے کہ 4ہزار ہارس پاور کے انجن بھی ٹریک پر لائے جائےں بدقسمتی سے ماضی میں ریلوے میں تباہی ہوئی اور صرف خریداری پر توجہ دی گئی انہوں نے کہا کہ 2انڈین لوکوموٹیو ٹرائیل کے لئے منگوائے گئے تھے جو کھڑے ہیں اس وقت 4لوکوموٹیو خراب کھڑے ہیں اور 30ویسے کھڑے ہیں ،فیصلہ کیا ہے کہ ان کو ٹریک پر لایا جائے۔