وفاقی وزیر ریلوے محمد حنیف عباسی کی جعفر ایکسپریس پر حملے کی مذمت

اسلام آباد۔12مارچ (اے پی پی):وفاقی وزیر ریلوے محمد حنیف عباسی نےجعفر ایکسپریس پر حملے کی شدید مذمت کرتے ہوئے کہا ہے کہ دہشت گردی بزدلانہ فعل ہے، دہشت گردوں کو کیفرکردار تک پہنچائیں گے۔اپنے بیان میں وزیر ریلوے محمد حنیف عباسی نے کہا کہ دہشت گردی کی بزدلانہ کارروائی ہمارے حوصلے پست نہیں کر سکتی، ملک دشمن عناصر کو شکست دینے کے لیے پوری قوم متحد ہے، ہمارے سکیورٹی ادارے بلوچستان سمیت پورے پاکستان کی ایک ایک انچ جگہ کی حفاظت کر رہے ہیں۔

انہوں نے کہا کہ بلوچستان کے غیور عوام ایسے شر پسندوں کے آگے جھکنے والے نہیں ہیں، سکیورٹی اداروں اور حکومت بلوچستان کے بھرپور تعاون اور فوری رسپانس پر ان کے شکر گزار ہیں، دہشت گرد کیفر کردار تک پہنچیں گے ، کسی مجرم کو نہیں چھوڑا جائیگا۔

Short Link: https://urdu.app.com.pk/urdu/?p=571635