وفاقی وزیر قانون وانصاف اعظم نذیر تارڑ سے بلوچستان بار ایسوسی ایشن کے صدر عطاء اللہ لانگو کی ملاقات

اسلام آباد۔7فروری (اے پی پی):وفاقی وزیر قانون وانصاف اعظم نذیر تارڑ نے جمعہ کو بلوچستان بار ایسوسی ایشن کے صدر عطاء اللہ لانگو سے ملاقات کی ۔

ترجمان وزارت قانون وانصاف کے مطابق ملاقات میں ممبر بلوچستان بار ایسوسی ایشن اکبر شاہ اور قلب حسن صاحب بھی موجود تھے ۔ ملاقات میں بلوچستان بار کے مسائل پر تفصیلی تبادلہ خیال کیا گیا اور وزیر قانون نے مکمل تعاون کی یقین دہانی کرائی ۔

وزیر قانون اعظم نذیر تارڑ نے کہا کہ بلوچستان کے وکلاء کی فلاح و بہبود کے لیے کوششیں جاری رکھیں گے اور بار ایسوسی ایشنز کے ساتھ مکمل تعاون کیا جائے گا ۔