کراچی۔1فروری (اے پی پی):وفاقی وزیر برائے بحری امور قیصر احمد شیخ نے جائزہ اجلاس کی صدارت کی جس میں وفاقی سیکرٹری اور ایڈیشنل سیکرٹری بحری امور نے اہم میری ٹائم اداروں کی پیش رفت کا جائزہ لینے کے لیے شرکت کی۔
ہفتہ کو جاری پریس ریلیز کے مطابق اجلاس میں پورٹ قاسم اتھارٹی ، کراچی پورٹ ٹرسٹ ، پاکستان نیشنل شپنگ کارپوریشن اور کورنگی فشریز ہاربر اتھارٹی کے حکام نے بھی شرکت کی ۔
اجلاس میں ماہانہ کارکردگی کے خدوخال، چیلنجوں سے نمٹنے اور بہتری کے لیے موزوں علاقوں کی نشاندہی کرنے کا ایک جامع جائزہ فراہم کیا گیا۔ سٹریٹجک بات چیت کا مرکز بحری شعبے میں کارکردگی، پیداواری صلاحیت اور مجموعی خدمات کی فراہمی پر مرکوز رہا۔
