لاہور۔16اپریل (اے پی پی):وفاق المدارس الشیعہ پاکستان کے زیراہتمام سالانہ امتحانات 19 اپریل سے شروع اور22اپریل کو اختتام پذیر ہوں گے۔ناظم امتحانا ت مولانا محمد تحسین کی طرف سے امتحانات کی ڈیٹ شیٹ کے مطابق الثانویہ العامہ )میٹرک(، الثانوی الخاصہ)ایف اے(،الشہاد العالیہ )بی اے( اور الشہاد العالمیہ)ایم اے) کے روزانہ دو پیپر ہوں گے۔ ہر پیپر تین گھنٹے کا ہوگا۔
امتحانات پہلے وقت صبح 9 سے 12 بجے، دوسرے وقت 2 سے شام 5 بجے تک ہوں گے۔ 19 اپریل کو قرآن ، تفسیر،حدیث،تاریخ،اخلاق،عقائد،20 اپریل فقہ، اصول الفقہ،المنطق الادب ، 21اپریل کو حدیث،صرف ، نحو، عقائد، ادب،اخلاق، جبکہ 22 اپریل کو پہلے وقت میں منطق،فلسفہ،البلاغہ ، زبانی امتحان، دوسرے وقت میں تجوید و قرات،حفظ قرآن، پیش نمازی ،تحقیقی مقالہ اور زبانی امتحانات ہوں گے۔
Short Link: https://urdu.app.com.pk/urdu/?p=582625
