دبئی۔18فروری (اے پی پی):بیلاروس کی نامور ٹینس سٹار ،دو مرتبہ آسٹریلین اوپن کی فاتح وکٹوریہ آزارینکا ڈبلیو ٹی اے دبئی اوپن ٹینس ٹورنامنٹ میں خواتین کے سنگلز مقابلوں کا فاتحانہ انداز میں آغاز کرتے ہوئے دوسرے رائونڈ میں پہنچ گئیں۔35 سالہ بیلاروسی ٹینس سٹار وکٹوریہ آزارینکا نے عمدہ کھیل پیش کرتے ہوئے خواتین کے سنگلز مقابلوں کے ابتدائی رائونڈ میں یوکرین کی 28 سالہ حریف کھلاڑی انہیلینا کالینینا کو شکست دے کر دوسرے رائونڈ کے لئے کوالیفائی کیا۔
متحدہ عرب امارات،دبئی کے ایوی ایشن کلب ٹینس سینٹر پر ڈبلیو ٹی اے دبئی اوپن ٹینس ٹورنامنٹ کے انتہائی دلچسپ اور کانٹے دار مقابلے جاری ہیں جس میں شائقین ٹینس کو عمدہ مقابلے دیکھنے کو ملیں گے۔ منگل کو خواتین کے سنگلز مقابلوں کے ابتدائی رائونڈ میں بیلا روس کی وکٹوریہ آزارینکا نے عمدہ کھیل پیش کرتے ہوئے یوکرین کی 28 سالہ حریف کھلاڑی انہیلینا کالینینا کو 6-2، 6-7(4-7)اور4-6 سے ہرا کر نہ صرف ایونٹ سے باہر کر دیا بلکہ ٹورنامنٹ کا فاتحانہ انداز میں آغاز کرتے ہوئے دوسرے رائونڈ کے لئے کوالیفائی کرلیا۔فاتح بیلاروسی ٹینس سٹار کا دوسرے رائونڈ میں مقابلہ پولینڈ کی سیکنڈ سیڈڈ آئیگا سویٹیک سے ہوگا۔\
Short Link: https://urdu.app.com.pk/urdu/?p=562365
