وکیل کی کامیابی پڑھائی ، محنت اورلگن سے ہی ممکن ہے،عرفان اللہ وڑائچ

سیالکوٹ۔25فروری (اے پی پی):ڈسٹرکٹ بار ایسوسی ایشن سیالکوٹ کے صد ر عرفان اللہ وڑائچ نے کہا ہے کہ وکیل کی کامیابی پڑھائی اور محنت و لگن سے ہی ممکن ہے بغیر محنت کے کوئی وکیل ترقی کی مناظر طے نہیں کرسکتا،کوئی بھی وکیل پڑھائی اور محنت کے بغیر سائلین کو انصاف فراہم کرنے میں مدد گار ثابت نہیں ہوسکتا، اس لئے نئے آنے والے وکلاءکو چاہیے کہ وہ محنت اور لگن سے سائلین کو انصاف کی فراہمی کیلئے اپنا بھرپور کردار ادا کریں ۔

ان خیالات کا اظہارڈسٹرکٹ بار ایسوسی ایشن کے صد ر عرفان اللہ وڑائچ نے بار ووکیشنل کورس کے پانچویں سیشن کی پہلی کلاس سے خطاب کرتے ہوئے کیا۔ اس موقع پر سیکرٹری چوہدری محمد افضال اسلم اور افتخار الحق شیروانی ایڈووکیٹ سپریم کورٹ نے وکلاءکو ”فوجداری قوانین “ کے بارے میں تفصیلاً آگاہ کیا۔ ڈسٹرکٹ بار ایسوسی ایشن کی بار لائبریری میں بارووکیشنل کورس کی کلاسز کا سلسلہ کامیابی سے جاری ہے۔

نئے آنے والے وکلاءکو چاہیے کہ وہ سینئر سے رہنما ئی حاصل کرتے ہوئے عدالتوں میں لگے ان کے کیسز کے دلائل سنے۔ سیکرٹری چوہدری محمد افضال اسلم نے کہا ہے کہ اچھا وکیل بننے کیلئے پوری تیار ی کے ساتھ عدالتوں میں پیش ہونا چاہیے تاکہ سائلین کو بلا تعطیل انصاف کی فراہمی ممکن ہوسکے۔

Short Link: https://urdu.app.com.pk/urdu/?p=566245