اسلام آباد۔16اپریل (اے پی پی):آئی سی سی ویمنز ورلڈکپ کوالیفائر 2025 ایونٹ پاکستان میں جاری ہے ،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔ ٹورنامنٹ میں کل (جمعرات کو )مزید دومیچوں کا فیصلہ ہوگا۔آئی سی سی ویمنز ورلڈکپ کوالیفائر 2025 ایونٹ کاگیارہواں میچ بنگلہ دیش اور ویسٹ انڈیز کی ویمنز ٹیموں کے درمیان لاہور سٹی کرکٹ ایسوسی ایشن گراؤنڈ ، لاہورمیں کھیلا جائے گا۔ یہ میچ پاکستان کے معیاری وقت کے مطابق صبح 9 بجکر 30 منٹ پر شروع ہوگا۔
اسی روز کا دوسرا اور آخری اور ایونٹ کا بارہواں میچ پاکستان اور تھائی لینڈ کی خواتین ٹیموں کے درمیان قذافی سٹیڈیم ، لاہور میں کھیلا جائے گا اور یہ میچ پاکستان کے معیاری وقت کے مطابق دن دو بجے شروع ہوگا۔ انٹرنیشل کرکٹ کونسل (آئی سی سی) کے شیڈول کے تحت ویمنز ورلڈکپ کوالیفائر 2025 ٹورنامنٹ 9اپریل سے 19 اپریل تک پاکستان میں کھیلا جائے گا
جس میں 6 ٹیمیں ایکشن میں نظر آئیں گی، ایونٹ میں شریک ٹیموں میں میزبان پاکستان، ویسٹ انڈیز، آئرلینڈ، سکاٹ لینڈ،تھائی لینڈ اور بنگلہ دیش شامل ہیں۔ پاکستانی ویمن ٹیم ایونٹ میں (کل )جمعرات کو چوتھا میچ میں تھائی لینڈ ویمنز کے خلاف جبکہ19 اپریل کو اپنا پانچواں اور آخری میچ بنگلہ دیش کے خلاف کھیلے گی ۔
Short Link: https://urdu.app.com.pk/urdu/?p=582554
مزید دو میچ کھیلے جائیں گے،پاکستان ٹیم اپنا چوتھا میچ کھیلے گی){kind=link}