روم۔12مئی (اے پی پی):بیلا روس کی نامور ٹینس سٹار ، عالمی نمبر ون اور ایونٹ کی ٹاپ سیڈڈ آریانا سبالینکا اٹالین اوپن ٹینس ٹورنامنٹ میں خواتین کے سنگلز مقابلوں پری کوارٹر فائنل رائونڈ میں پہنچ گئی ۔ 27 سالہ بیلاروسی ٹینس سٹار تین گرینڈ سلام کی چیمپئن اور عالمی نمبر ون آریانا سبالینکا نے خواتین کے سنگلز مقابلوں کے تیسرے رائونڈ میں حریف امریکی ٹینس کھلاڑی صوفیہ کینن کو شکست دی ۔
اٹالین اوپن ٹینس ٹورنامنٹ کے کانٹے دار مقابلوں کا سلسلہ اٹلی میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔
خواتین کے سنگلز مقابلوں کے تیسرے رائونڈ میں 27 سالہ بیلاروسی ٹینس سٹار تین گرینڈ سلام کی چیمپئن اور عالمی نمبر ون آریانا سبالینکا نے عمدہ کھیل پیش کرتے ہوئے امریکی حریف ٹینس کھلاڑی صوفیہ کینن کو 6-3،3-6 اور 3-6سے شکست دے کر نہ صرف ٹورنامنٹ سے باہر کر دیا بلکہ ٹاپ 16 رائونڈ کے لئے کوالیفائی کرلیا،جہاں ان کا مقابلہ یوکرین کی حریف ٹینس کھلاڑی مارٹا اولیہیونا کوسٹیوک سے ہوگا۔
Short Link: https://urdu.app.com.pk/urdu/?p=596050
