میڈرڈ۔2مئی (اے پی پی):بیلاروس کی نامور ٹینس سٹار عالمی نمبر ون اور ایونٹ کی ٹاپ سیڈڈ آریانا سبالینکا اور امریکی نامور ٹینس سٹار، ایونٹ کی فورتھ سیڈڈ کوکوگف ڈبلیو ٹی اے میڈرڈ اوپن ٹینس ٹورنامنٹ میں خواتین کے سنگلز مقابلوں میں اپنی فتوحات کے سلسلے کو برقرار رکھتے ہوئے فائنل میں پہنچ گئیں جبکہ پولینڈ کی نامور ٹینس سٹار، ایونٹ کی سیکنڈ سیڈڈ اور پانچ گرینڈ سلام ٹائٹلز کی فاتح آئیگانٹالی سویٹیک سیمی فائنل رائونڈ میں ہار کر ایونٹ سے باہر ہوگئیں۔ 26 سالہ بیلاروسی ٹینس سٹار آریانا سبالینکا نے خواتین کے سنگلز مقابلوں کے ٹاپ 4 میچ میں یوکرین کی حریف کھلاڑی ایلینا سویٹولینا کو مات دے کر فائنل کے لئے کوالیفائی کیا ۔
21 سالہ امریکی ٹینس سٹار کوکوگف نے سیمی فائنل میچ میں 23 سالہ پولینڈ کی ٹینس سٹار آئیگانٹالی سویٹیک کو شکست دی۔ڈبلیو ٹی اے کے زیر اہتمام میڈرڈ اوپن کے دلچسپ مقابلے سپین کے دارالحکومت میڈرڈ کے وینیو پارک منزاناریس میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔
خواتین کے سنگلز مقابلوں کے سیمی فائنل رائونڈ کے میچ میں 26 سالہ بیلاروسی ٹینس سٹار آریانا سبالینکا نے انتہائی شاندار کارکردگی کا مظاہرہ کرتے ہوئے یوکرین کی حریف کھلاڑی ایلینا سویٹولینا کو سٹریٹ سیٹس میں 3-6 اور 5-7سے ہرا کر فائنل کے لئے کوالیفائی کرلیا،جہاں ان کا مقابلہ امریکی حریف کھلاڑی کوکوگف سے ہوگا۔
ایک اور میچ میں 21 سالہ امریکی ٹینس سٹار کوکوگف نے انتہائی شاندار کارکردگی کا مظاہرہ کرتے ہوئے سیمی فائنل میچ میں 23 سالہ پولینڈ کی ٹینس سٹار آئیگانٹالی سویٹیک کو سٹریٹ سیٹس میں 1-6 اور 1-6 سے ہرا کر فائنل کے لئے کوالیفائی کرلیا
Short Link: https://urdu.app.com.pk/urdu/?p=591062
