کوپن ہیگن۔25اگست (اے پی پی): ڈنمارک کے نامور بیڈمنٹن سٹار اور ٹاپ سیڈڈ وکٹر ایکسلسن بی ڈبلیو ایف ورلڈ بیڈ منٹن چیمپئن شپ میں مردوں کے سنگلز مقابلوں کے کوارٹر فائنل رائونڈ میں پہنچ گئے ۔29 سالہ ڈینش بیڈ منٹن سٹار نے مینز سنگلز کے پری کوارٹر فائنل رائونڈ میں تائیوان کے حریف کھلاڑی چو ٹائین چن کو شکست دے کر ٹاپ 8 رائونڈ کے لئے کوالیفائی کرلیا۔
بی ڈبلیو ایف ورلڈ بیڈ منٹن چیمپئن شپ کے کانٹے دار مقابلے ڈنمارک کے دارالحکومت کوپن ہیگن میں جاری ہیں ۔کوپن ہیگن کے رائل ارینا میں کھیلے گئے مردوں کے سنگلز مقابلوں کے پری کوارٹر فائنل رائونڈ میچ میں 29 سالہ ڈینش بیڈ منٹن سٹار وکٹر ایکسلسن نے شاندار کارکردگی کا مظاہرہ کرتے ہوئےتائیوان کے حریف کھلاڑی چو ٹائین چن کو سٹریٹ سیٹس میں 13-21 اور 19-21 سے ہرا کر نہ صرف میگا ایونٹ سے باہر کر دیا بلکہ کوارٹر فائنل کے لئے بھی کوالیفائی کرلیا۔ ڈینش نامور بیڈمنٹن سٹار اور ٹاپ سیڈڈ وکٹر ایکسلسن کا چیمپئن شپ کے کوارٹر فائنل میں مقابلہ بھارتی کھلاڑی پرنائے حسینہ سنیل کمار سے ہوگا۔
Short Link: https://urdu.app.com.pk/urdu/?p=382463
