پشاور۔ 09 اپریل (اے پی پی):ٹریفک پولیس پشاور کے ڈرائیونگ سکولز میں عملی تربیت کا سلسلہ جاری ہے۔ سی ٹی او پشاور ہارون رشید خان نے کہا ہے کہ ٹریفک ڈرائیونگ سکولز کا مقصد بین الاقوامی معیار کے مطابق شہریوں کو ڈرائیونگ سکلز سکھانا ہے۔انہوں نے کہا کہ سٹی ٹریفک پولیس پشاور روڈ سیفٹی سے متعلق شعور و آگاہی اجاگر کرنے کے لئے بھی مصروف عمل ہے۔
انہوں نے کہا کہ ڈرائیونگ سکولز میں زیر تربیت شہریوں کو ڈرائیونگ سکھانے کے ساتھ ساتھ ٹریفک قوانین کی تربیت بھی فراہم کی جا رہی ہے۔تر جمان کے مطا بق حیات آباد، پشاور کینٹ اور پشاور سٹی میں قائم ڈرائیونگ سکولز میں ڈرائیونگ سمیت ٹریفک قوانین سے متعلق آگاہی بھی فراہم کی جا رہی ہے۔اب تک 1302 شہریوں کو ڈرائیونگ کی تربیت دی جا چکی ہے۔اس حوالے سے شہر کے مختلف علاقوں میں خصوصی پمفلٹس بھی تقسیم کئے گئے ہیں۔
Short Link: https://urdu.app.com.pk/urdu/?p=579830
