ٹورے پین پیسیفک اوپن ٹینس ،کینیڈا کی بیانکا وینیسا اینڈریسکو کا فاتحانہ آغاز ویمنز سنگلز کے دوسرے رائونڈ میں داخل

ٹوکیو۔22اکتوبر (اے پی پی):کینیڈا کی ٹینس سٹار بیانکا وینیسا اینڈریسکو ڈبلیو ٹی اے ٹورے پین پیسیفک اوپن ٹینس ٹورنامنٹ میں خواتین کے سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئیں جبکہ جاپان کی ٹینس کھلاڑی می یاماگوچی ابتدائی رائونڈ میں ہار کر ایونٹ سے باہر ہوگئیں۔

ڈبلیو ٹی اے کے زیر اہتمام ٹورے پین پیسیفک اوپن ٹینس ٹورنامنٹ کے دلچسپ مقابلوں کا سلسلہ جاپان میں جاری ہے۔

خواتین کے سنگلز مقابلوں کے ابتدائی مرحلے کے میچ میں 24 سالہ کینیڈین ٹینس سٹار بیانکا وینیسا اینڈریسکو نے شاندار کارکردگی کا مظاہرہ کرتے ہوئے حریف میزبان جاپانی ٹینس کھلاڑی می یاماگوچی کو سٹریٹ سیٹس میں 5-7 اور 3-6 سے ہرا کر نہ صرف ایونٹ کا فاتحانہ آغاز کر دیا بلکہ دوسرے رائونڈ کے لئے بھی کوالیفائی کرلیا۔

Short Link: https://urdu.app.com.pk/urdu/?p=515484