- Advertisement -
راولپنڈی۔23مارچ (اے پی پی):ٹیکسلا پولیس نے سٹریٹ کرائم کی وارداتوں میں ملوث تین ملزمان کو گرفتار کر کے چھینا گیا موٹر سائیکل، موبائل فون، مسروقہ رقم 51 ہزار روپے اور اسلحہ برآمد کر لیا۔ ترجمان راولپنڈی پولیس کے مطابق گرفتار ملزمان میں حمزہ، حبیب اور بہادر شامل ہیں۔
ملزمان کو متعدد وارداتوں کے انکشاف پر شناخت پریڈ کے لیے جیل منتقل کیا گیا ہے ۔ شناخت پریڈ کے بعد مزید انکشافات متوقع ہیں۔ ایس پی پوٹھوہار طلحہٰ ولی کا کہنا ہے کہ گرفتار ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔
- Advertisement -
شہریوں کی جان و مال پر حملہ کرنے والے ملزمان قانون کی گرفت سے نہیں بچ سکتے۔
Short Link: https://urdu.app.com.pk/urdu/?p=575675
- Advertisement -
