پشاور۔ 24 اپریل (اے پی پی):تحصیل میونسپل آفیسرشاہ عالم قدیرنصیر نے وزیراعلیٰ خیبرپختونخوااورچیف سیکرٹری کی ہدایات پرجاری خصوصی صفائی مہم کاجائزہ لینے کے لئے مختلف علاقوں کا دورہِ کیا،عملہ کونقد انعام سے نوازتے ہوئے عوام سے تعاون کی اپیل کی،بدھ کے روزٹی ایم اوشاہ عالم قدیرنصیرنے تحصیل آفیسرانفراسٹرکچرظہیرخان اورریحان خان کے ہمراہ شکرپورہ،مندرہ خیل،ناگمان چوک اورچارسدہ روڈپر صفائی کاجائزہ لیا۔دورہ کے موقع پرویلیج کونسل چیئرمینوںاوراہل علاقہ سے صفائی وعملہ کی کارکردگی بارے دریافت کیا،
عوامی حلقوں نے کام پرتسلی کااظہارکرتے ہوئے انتظامیہ کوخراج تحسین پیش کیا۔ٹی ایم اوشاہ عالم نے کہاکہ صفائی مہم کے دوران سینکڑوں ٹن گندگی ٹھکانے لگادی ہے،صفائی سے متعلق عوام میں شعور اجاگر کرنے کی غرض سے مختلف علاقوںمیںآگاہی واک کااہتمام کیاجارہاہے،عوام جابجاگندگی پھینکنے کے بجائے مقررہ مقامات پرگند جمع کریں تاکہ صفائی برقراررکھنے میں آسانی ہو۔
انہوں نے مزیدکہاکہ ڈینگی ممکنہ خطرات کے پیش نظر بچائو کے لئے سپرے کاسلسلہ شروع کردیاہے ،عوام پانی کے برتن ڈھانپ کررکھیں،کھلی جگہ پرپانی کھڑانہ ہونے دیں،کوئی مہم عوامی تعاون کے بغیرکامیاب نہیں ہوسکتی ہے شہری انتظامیہ سے تعاون کریں۔
Short Link: https://urdu.app.com.pk/urdu/?p=586939
