اسلام آباد۔6اپریل (اے پی پی):برسلز میں پاکستانی سفارتخانے نے اتوار کو عید ملن استقبالیہ کا اہتمام کیا ۔ اس موقع پٍر یورپی یونین، بیلجئم اور لکسمبرگ میں پاکستان کے سفیر رحیم حیات قریشی نے پاکستانی برادری کوعید الفطر کی دلی مبارکباد پیش کی۔یہاں موصولہ ایک پریس ریلیز میں کہا گیا کہ تقریب میں بیلجیم اور لکسمبرگ سے پاکستانی کمیونٹی کے اراکین قومی اتحاد، جشن اور ثقافتی ہم آہنگی کے جذبے سے بڑی تعداد میں شریک ہو ئےجن میں پیشہ ور افراد، کاروباری شخصیات، طلباء اور میڈیا کے نمائندے شامل تھے ۔
سفیر رحیم حیات قریشی نے اس موقع پر تقریب سے خطابا کرتے ہوئے پاکستان اور بیلجئم کے ساتھ ساتھ وسیع تر یورپی یونین کے درمیان عوام سے عوام کے تعلقات کو مضبوط بنانے میں ان کے پائیدار کردار کو سراہا۔انہوں نے بیرون ملک پاکستانیوں کے درمیان اتحاد، ہم آہنگی اور اجتماعی شناخت کی اہمیت پر زور دیا اور پاکستان کے ثقافتی اور علاقائی تنوع کو اجاگر کیا۔
استقبالیہ سے پاکستانی تارکین وطن کو ایک ساتھ اکٹھا ہونے ، دوبارہ جڑنے اور عید کے جذبے کو پرجوش، تہوار کے ماحول میں منانے کا ایک بامعنی موقع فراہم کیا۔عید ملن اجتماع نے پاکستانی تارکین وطن کے ساتھ منسلک ہونے اور برادری، ہم آہنگی اور باہمی احترام کی مشترکہ اقدار کو فروغ دینے کے لیے سفارت خانے کے عزم کا اعادہ کیا۔
Short Link: https://urdu.app.com.pk/urdu/?p=578809
