برسلز۔30اپریل (اے پی پی):بیلجیئم، لکسمبرگ اور یورپی یونین میں پاکستان کی سفیر آمنہ بلوچ نے منگل کو بیلجئیم اور لکسمبرگ میں مقیم پاکستانی برادری کے ساتھ ورچوئل کھلی کچہری کا انعقاد کیا۔
بیلجیئم میں پاکستانی سفارتخانے کے سماجی رابطے کے پلیٹ فارم” ایکس” پر پوسٹ کے مطابق سفیر نے پاکستانی کیمونٹی کے ارکان کے مسائل کو سنا اور ملکی ترقی کے لیے تارکین وطن کی خدمات کو سراہا۔ انہوں نے کمیونٹی کی فعال شرکت اور حوصلہ افزا تاثرات کی بھی تعریف کی۔
