پیرس ۔16جون (اے پی پی):فرانس میں پاکستان کےسفیر عاصم افتخار احمد اور سفارتخانہ خانے میں ان کے رفقاء کار نے مئیر، پاکستانیوں سمیت مسلم برادری کے ارکان کے ہمراہ کمپلیکس سپورٹف ہینری ویلن بوبگنی سنٹر میں نماز عید الاضحٰی ادا کی ۔
ایکس پر فرانس میں پاکستانی سفارتخانہ کی پوسٹ کے مطابق انہوں نے تمام شعبہ ہائے زندگی سے تعلق رکھنے والے افراد کے ساتھ ملاقات کی اور عید کی مبارکباد کا تبادلہ کیا۔پاکستانی سفیر اور ان کے رفقاء نے فرانس میں مقیم پاکستانی برادری اور دنیا بھر میں عید الاضحٰی منانے والوں کو عید کے موقع پر دلی مبارکباد بھی پیش کی ۔
