اسلام آباد ۔ 03 نومبر (اے پی پی) پاکستان انٹرنیشنل سیریز بیڈمنٹن ٹورنامنٹ 9 نومبر سے لیاقت جمنازیم اسلام آباد میں شروع ہو گا، ٹورنامنٹ کے تمام انتظامات مکمل کر لئے گئے ہیں۔ ان خیالات کا اظہار پاکستان بیڈمنٹن فیڈریشن کے سیکرٹری جنرل واجد علی چوہدری نے گذشتہ روز ایک مقامی ہوٹل میں میڈیا سے گفتگو کرتے ہوئے کیا۔ انہوں نے کہا کہ ٹورنامنٹ میں 9 ملکوں کے 26 مرد و خواتین کھلاڑی حصہ لیں گے جن میں افغانستان، مالدیپ، ترکی، ویت نام، سری لنکا، کمبوڈیا، شام اور نیپال کے کھلاڑی شامل ہیں۔ ان کے علاوہ ٹورنامنٹ میں 37 پاکستانی مرد و خواتین کھلاڑی بھی حصہ لیں گے۔
