اسلام آباد۔12مارچ (اے پی پی):پاکستان اور تنزانیہ کے درمیان دو طرفہ سیاسی مشاورت کا افتتاحی اجلاس دارالسلام میں منعقد ہوا۔ ایڈیشنل سیکرٹری خارجہ (افریقہ) سفیر شہریار اکبر خان نے پاکستانی وفد کی قیادت کی، جبکہ تنزانیہ کی طرف سے ڈائریکٹر (ایشیا اور آسٹریلیا) سفیر سالویٹر مارکس ایمبیلینی نے سربراہی کی۔ترجمان دفتر خارجہ کے مطابق بات چیت میں سیاسی، تجارت، سرمایہ کاری، صلاحیت سازی، تعلیم، دفاع اور ثقافتی تعلقات کا احاطہ کیا گیا۔ فریقین نے باہمی فائدہ مند تعاون کو مضبوط بنانے کا عزم کیا اور اعلیٰ سطحی تبادلوں کی اہمیت پر زور دیا۔
