اسلام آباد۔7اپریل (اے پی پی):پاکستان اور فرانس نے دوطرفہ تعلقات کو مزید مضبوط بنانے اور تمام مشترکہ ترجیحات میں تعاون بڑھانے کے عزم کا اعادہ کیا ہے۔ دفتر خارجہ کی جانب سے پیر کو جاری بیان کے مطابق اس بات کا اظہار وزارت خارجہ کے ایڈیشنل سیکرٹری (یورپ) شفقت علی خان اور فرانسیسی وزارت برائے یورپ اور خارجہ امور کے ڈپٹی سیکرٹری جنرل ڈیوڈ برٹولوٹی کے درمیان دو طرفہ مشاورت کے دوران کیا گیا۔
فریقین نے پاکستان فرانس دو طرفہ روڈ میپ برائے تعاون (2023) کے تحت دو طرفہ تعاون میں پیش رفت کا جائزہ لیا۔ انہوں نے تجارت اور سرمایہ کاری، تعلیم، ثقافت اور قونصلر امور سمیت اہم شعبوں میں اس کے نفاذ پر اطمینان کا اظہار کیا۔ بیان کے مطابق بات چیت میں علاقائی اور عالمی پیش رفت کا بھی احاطہ کیا گیا۔ دونوں ممالک نے باہمی دلچسپی کے امور پر قریبی ہم آہنگی برقرار رکھنے پر اتفاق کیا۔
Short Link: https://urdu.app.com.pk/urdu/?p=579170
