- Advertisement -
راولپنڈی۔14اپریل (اے پی پی):پاکستان اور مراکش کی افواج کے درمیان انسدادِ دہشت گردی کے شعبے میں تیسری پاک۔مراکش دو طرفہ مشترکہ فوجی مشق 2025 کی افتتاحی تقریب سپیشل آپریشنز سکول چراٹ میں منعقد ہوئی۔ پاک فوج کے سپیشل سروسز گروپ اور مراکشی فوج کے سپیشل فورسز دستے اس مشق میں حصہ لے رہے ہیں۔آئی ایس پی آر کے مطابق سپیشل آپریشنز سکول چراٹ کے کمانڈنٹ نے تقریب میں مہمانِ خصوصی کے طور پر شرکت کی۔اس مشق کا مقصد مشترکہ تربیت کے ذریعے پیشہ ورانہ مہارتوں کو مزید نکھارنا اور دونوں دوست ممالک کے درمیان تاریخی عسکری تعلقات کو فروغ دینا ہے۔ شریک دستے ایک دوسرے کے تجربات اور مہارت سے استفادہ کرنے کے منتظر ہیں۔
Short Link: https://urdu.app.com.pk/urdu/?p=581764
- Advertisement -
