اسلام آباد ۔ 17 اکتوبر (اے پی پی) پاکستان بلائنڈ کرکٹ کونسل (پی بی سی سی) نیپال کے خلاف ٹی 20 میچوں کی سیریز کےلئے 15 رکنی قومی خواتین حتمی ٹیم کا اعلان دسمبر میں کرے گی۔ نیپال کی بلائنڈ ویمن کرکٹ ٹیم پاکستان کے ساتھ پانچ ٹی 20 میچوں کی سیریز کےلئے 26 جنوری 2019ءکو پاکستان کے دورہ پر آئے گی۔ پاکستان بلائنڈ کرکٹ کونسل کے چیئرمین سیّد سلطان شاہ نے بتایا کہ نیپال کے خلاف ٹی 20 سیریز کےلئے پی بی سی سی نے 25 خواتین کھلاڑیوں کو شارٹ لسٹ کیا ہے تاہم سیریز کےلئے 15 رکنی حتمی ٹیم کا اعلان دسمبر میں کیا جائے گا۔ انہوں نے کہا کہ نیپال اور پاکستان کے درمیان ٹی 20 میچوں کی سیریز 26 جنوری سے 4 فروری 2019ءتک پاکستان میں کھیلی جائے گی جس میں دو میچ لاہور کھیلے جائیں گے جبکہ باقی تین میچوں کے وینیو کا فیصلہ ابھی تک نہیں ہوا
Short Link: https://urdu.app.com.pk/urdu/?p=117945
