پاکستان تحریک انصاف کو قومی سلامتی کی پارلیمانی کمیٹی میں شرکت کرنی چاہئے تھی، سپیکر قومی اسمبلی

اسلام آباد۔7اپریل (اے پی پی):سپیکر قومی اسمبلی سردار ایاز صادق نے کہا ہے کہ پاکستان تحریک انصاف کو قومی سلامتی کی پارلیمانی کمیٹی میں شرکت کرنی چاہئے تھی، آپ نے جو لسٹ بھیجی اور بعد میں واپس لے لی کاش ایسا نہ ہوتا۔ پیر کو قومی اسمبلی اجلاس کے دوران اظہار خیال کرتے ہوئے سپیکر قومی اسمبلی نے اپوزیشن کی جانب سے قومی سلامتی کے اجلاس میں شرکت نہ کرنے پر شکوہ کیا ۔

انہوں نے کہا کہ آپ کو قومی سلامتی کی پارلیمانی کمیٹی میں شرکت کرنی چاہئے تھی، آپ نے جو لسٹ بھیجی اور بعد میں واپس لے لی کاش ایسا نہ ہوتا۔ سپیکر قومی اسمبلی نے کہا کہ وہ بات حکومت اور اپوزیشن کی نہیں تھی بلکہ قومی سلامتی کی بات تھی، آپ کو اس اجلاس میں خیبر پختونخوا اور بلوچستان میں صورتحال سے آگاہ کرنا تھا، آپ نے ایک سنہری موقع ضائع کیا۔

انہوں نے کہا کہ اس اجلاس میں تمام سیاسی جماعتوں کو پاکستان کی خاطر اتحاد کا مظاہرہ کرنا چاہئے تھا۔

Short Link: https://urdu.app.com.pk/urdu/?p=579245