کراچی۔27فروری (اے پی پی):پاکستان سائیکلنگ فیڈریشن کے زیر اہتمام آٹھویں نیشنل روڈ سائیکلنگ چیمپئن شپ کا آغاز ڈی ایچ اے فیز 8 میں ہو گیا۔ ایونٹ کا افتتاح سپورٹس پاکستان کے سی ای اوشعیب نظامی اور پاکستان سائیکلنگ فیڈریشن کے صدر سید اظہر علی شاہ نےکیا۔چیمیئن شپ میں کرینک ایڈک،سوئی سدرن گیس ،اسلام آباد،پاکستان آرڈیننس کمپنی اور بائیکستان سائیکلنگ اکیڈمی کے مرد اور خواتین کی ٹیمیں شرکت کر رہی ہیں۔ ڈی ایچ اے انتظامیہ کی غیر متزلزل حمایت اور اعلیٰ درجے کی سہولیات کی فراہمی نے چیمپئن شپ کی کامیابی میں اہم کردار ادا کیا۔
پاکستان سائیکلنگ فیڈریشن (پی سی ایف ) کھیلوں کو فروغ دینے والے رویے کے لئے تہہ دل سے شکر گزار ہے۔ پہلے دن مختلف کیٹگریز میں کھلاڑیوں نےشاندار پرفارمنس کا مظاہرہ کیا گیا۔مردوں کے انفرادی ٹائم ٹرائل میں محمد وزیر نے پہلی ، محمد وہاب دوسری جبکہ سوئی سدرن گیس کمپنی کے نعیم احمد نے تیسری پوزیشن حاصل کی۔مردوں کے آئی ٹی ٹی اے سی ای مقابلوں میں ایس ایس جی سی کے علی الیاس نے پہلی،بی سی اے کےمحسن نے دوسری جبکہ ایس ایس جی سی کے حبیب اللہ نے تیسری پوزیشن حاصل کی ۔خواتین کے آئی ٹی ٹی اے سی ای مقابلوں میں ایس ایس جی سی کی راجیہ شبیر نے پہلی،بی سی اے کی زینب رضوان نے دوسری پوزیشن حاصل کی۔
مرد ماہرین آئی ٹی ٹی کے مقابلوں میں محمد اسماعیل بی سی اے نے پہلی،شاہ ولی بی سی اے نے دوسری جبکہ ایس ایس جی سی کےعبدالرزاق نے تیسری پوزیشن حاصل کی۔ خواتین ماہرین آئی ٹی ٹی کے نتائج کے مطابق بی سی اے کی بسمہ چوہدری نے پہلی، طیبہ نے دوسری جبکہ سندھ سائیکلنگ کی رمشا نے تیسری پوزیشن حاصل کی ۔مینز روڈ ریس کے نتائج کے مطابق ایس ایس جی سی کےحبیب اللہ نے پہلی ،رضوان عثمان نے دوسری جبکہ ایس ایس جی سی کے علی الیاس نے تیسری پوزیشن حاصل کی- خواتین روڈ ریس کے نتائج کے مطابق ایس ایس جی سی کی راجیہ شبیر نے پہلی کنزہ ملک نے دوسری جبکہ بی سی اے کی زینب رضوان نے تیسری پوزیشن حاصل کی ۔ مرد جونیئر آئی ٹی ٹی کے نتائج کے مطابق واحد بابو نے پہلی ،بی سی اے کے شایان عزیز نے دوسری جبکہ سندھ سائیکلنگ کے محمد ہاشم نے تیسری پوزیشن حاصل کی ۔
خواتین جونیئر آئی ٹی ٹی کے نتائج کے مطابق بی سی اے کی انیسہ نے پہلی،سندھ کی شمس النساء نے دوسری جبکہ سندھ کی عروج نے تیسری پوزیشن حاصل کی۔ مرد ماہرین ٹی ٹی ٹی کے نتائج کے مطابق ایس ایس جی سی نے پہلی، بی سی اے نے دوسری جبکہ کرینک ایدک نے تیسری پوزیشن حاصل کی ۔ خواتین ٹی ٹی ٹی کے نتائج کے مطابق بی سی اے نے پہلی ،پنجاب نے دوسری جبکہ کے پی کے نے تیسری پوزیشن حاصل کی ۔ چیمپئن شپ جاری ہے۔اختتامی تقریب (کل )بدھ کو دودھیا امار کی روڈ پر دن ایک بجے ہوگی جہاں جیتنے والوں میں انعامات اور تمغے تقسیم کئے جائیں گے۔
