اسلام آباد۔17جنوری (اے پی پی):پاکستان سمیت دنیا بھر میں اتوار کو برف باری کا عالمی دن منایا گیا جس کا مقصد بچوں اور ان کے اہل خانہ کو برف کے تجربات سے لطف اٹھانے کا موقع فراہم کرکے برف کے کھیلوں میں شرکت بڑھانا ہے۔گلگت بلتستان (جی بی) محکمہ سیاحت کے ایک عہدیدار محمد افتخار نے اے پی پی سے گفتگو کرتے ہوئے کہا کہ ہم ہر سال بچوں کو کھیلوں کی مختلف سرگرمیوں میں حصہ لینے کے لیے خصوصی طور پر سیاحوں کی تفریح کے لئے تقاریب کا اہتمام کرتے تھے۔ انہوں نے کہا کہ عالمی یوم برف کے دن کو منانے کے لئے بڑی تعداد میں لوگوں کی شرکت کے لئے مختلف ایونٹ کا انعقاد کیا گیا۔اس کے علاوہ ، بچے برف کی گیندوں اور کھیلوں کی دیگر سرگرمیوں کے ساتھ کھیلنے میں مصروف تھے۔جبکہ سکی اور سنو بورڈ اسکولوں ، اسکی ریزورٹس ، سیاحت بورڈ اور قومی گورننگ باڈیز جیسی تنظیموں کے ساتھ دنیا بھر میں مختلف سرگرمیاں منعقد ہوئیں۔انٹرنیشنل اسکی فیڈریشن (ایف آئی ایس) نے بچوں کو برف کی مہم میں شامل کیا۔ایف آئی ایس نے ٹریلر جاری کیا ہے ، جسے 20 سے زیادہ مختلف زبانوں میں دیکھا جاسکتا ہے ۔ تاکہ منتظمین کی حوصلہ افزائی ہو سکے۔
