پاکستان سمیت دنیا بھر میں ہائی بلڈ پریشرکے مرض سے آگاہی کا عالمی دن (آج) ہفتہ کو منایا گیا

اسلام آباد۔17مئی (اے پی پی):پاکستان سمیت دنیا بھر میں ہائی بلڈ پریشر(بلند فشار خون)کے مرض سے آگاہی کا عالمی دن ہفتہ 17مئی کو منایا گیا۔ اس دن کومنانے کا مقصد ہائی بلڈ پریشر کی وجوہات،علامات،علاج و پرہیز اور اس کے تدارک سے متعلق عوامی شعور اجاگر کرنا ہے۔

ایک رپورٹ کے مطابق دنیا بھر میں سالانہ ایک لاکھ سے زیادہ افراد ہائی بلڈ پریشر کے مرض کے باعث زندگی سے ہاتھ دھو بیٹھتے ہیں جبکہ دوسری جانب ملک میں 2کروڑ سے زائد افرادہائی بلڈ پریشر کے مرض میں مبتلا ہیں، اور اس مرض میں اضافہ ہو رہا ہے۔

ہائی بلڈ پریشر کے باعث امراض قلب،دماغی شریان پھٹنے اور گردوں کے امراض جو جان لیوا بھی ثابت ہو سکتے ہیں۔ طبی ماہرین کا کہنا ہے کہ بلند فشار خون کے مرض سے بچائوکےلئے سادہ طرز زندگی اپنانے،مرغن غذائوں سے پرہیز اور ورزش کو معمولات زندگی کا حصہ بنانے کی ضرورت ہے۔ واضح رہے کہ 2005 سے دنیا بھر میں 17 مئی کو ہائپرٹینشن یعنی ہائی بلڈ پریشر کا عالمی دن منایا جاتا ہے۔

جس کا مقصد بیماری کے بارے میں آگاہی فراہم کرنے اور اس کے خلاف حفاظتی اقدام کی حوصلہ افزائی ہے۔ بلند فشار خون کے عالمی دن کی مناسبت سے ملک بھر میں محکمہ صحت اور سماجی تنظیموں کے زیر اہتمام مختلف تقریبات اور پروگرامز میں ہائی بلڈ پریشر کے اسباب اور اس کے علاج و پرہیز سے متعلق عام آدمی کو معلومات فراہم کی گئیں۔

Short Link: https://urdu.app.com.pk/urdu/?p=598123