کراچی۔21اکتوبر (اے پی پی):پاکستان اسٹاک ایکس چینج میںبدھ کو بھی کاروبار حصص میں تیزی کا تسلسل برقرار رہا جس کے نتیجے میں کے ایس ای100انڈیکس41ہزار کی نفسیاتی حد کو بحال کرتے ہوئے579.34پوائنٹس کے اضافے سے41535پوائنٹس کی سطح پر جا پہنچاجبکہ 67.45فی صد کمپنیوں کے حصص کی قیمتوں میں اضافہ ریکارڈ کیا گیا جس کے سبب مارکیٹ کی سرمایہ کاری مالیت95ارب38کروڑ روپے سے زائدبڑھ گئی اور حصص کی لین دین کے لحاظ سے کاروباری حجم منگل کی نسبت34.22فیصد زائد رہا۔پاکستان اسٹاک ایکس چینج میں بدھ کو بھی کاروبار کے آغاز سے ہی سرمایہ کاروں کی جانب سے حصص خریداری میں بھرپور دلچسپی نظر آئی جس کے نتیجے میں تیزی رہی اور ٹریڈنگ کے دوران کے ایس ای100انڈیکس 41ہزار کی نفسیاتی حد کو عبور کرتے ہوئے41611پوائنٹس کی کی بلند سطح کو چھو گیا۔بعد ازاںپرافٹ ٹیکنگ کی وجہ سے انڈیکس 41600 کی حد برقرار نہ رکھ سکا لیکن تیزی کا رجحان غالب دیکھا گیااورکاروبار کے اختتام پر کے ایس ای100انڈیکس579.34پوائنٹس کے اضافے سے41535.92پوائنٹس کی سطح پر بند ہواجبکہ کے ایس ای30انڈیکس 236.54پوائنٹس کے اضافے سے17518.32پوائنٹس ، کے ایس ای آل شیئر انڈیکس363.34پوائنٹس کے اضافے سے29293.34پوائنٹس اورکے ایم آئی30انڈیکس 702.52پوائنٹس بڑھ کر66430.21پوائنٹس پر جا پہنچا۔کاروبارمیں تیزی کے سبب مارکیٹ کا مجموعی سرمایہ 95 ارب 38 کروڑ 5 لاکھ 89 ہزار 402 روپے بڑھ کر 75 کھرب 89 ارب 80 کروڑ 40 لاکھ 74 ہزار 610 روپے ہوگیا۔گزشتہ روز 424 کمپنیوں کا کاروبار ہوا جس میں سے286کمپنیوں کے حصص کی قیمتوں میں اضافہ 122میں کمی اور16کمپنیوں کے حصص کی قیمتوں میں استحکام رہا ۔کاروباری اعتبار سے جن کمپنیوں میں نمایاں سرگرمیاں دیکھی گئیں ان میں یونٹی فوڈز،پاک انٹرنیشنل بلک،حیسکول پیٹرول، پاک ریفائنری،عائشہ اسٹیل مل،فوجی فوڈز لمٹیڈ،ٹی آر جی پاک لمٹیڈ،بائیکو پیٹرولیم، اینگرو فرٹیلائزر اوربینک اسلامی پاکستان شامل تھیں۔قیمتوں میں اتار چڑھائوکے اعتبار سے فلپ موریس کے حصص کی قیمت 84.90روپے کے اضافے سے1684.90روپے اورباٹا پاک61.13روپے کے اضافے سے1661.13روپے ہوگئی جبکہ صنوفی ایونٹس کے حصص کی قیمت40.90روپے کی کمی سے779روپے اورگیٹرن انڈسٹریز 39روپے کی کمی سے660روپے ہوگئی۔
