اسلام آباد ۔ 5 مارچ (اے پی پی) پاکستان سپر لیگ (پی ایس ایل) کے چوتھے ایڈیشن کا پانچواں اور آخری مرحلہ 9 مارچ سے پاکستان میں شروع ہوگا۔ پی ایس ایل کے پانچویں مرحلے کا پہلا میچ 9 مارچ کو لاہور قلندرز اور اسلام آباد یونائیٹڈ کی ٹیموں کے درمیان نیشنل کرکٹ سٹیڈیم کراچی میں کھیلا جائے گا۔ تفیصلات کے مطابق متحدہ عرب امارات کی سرزمین پر پی ایس ایل فور میں ٹیموں کے درمیان دلچسپ و سنسنی خیز مقابلوں کا سلسلہ ختم ہوگیا ہے اور دبئی اور شارجہ اور ابوطہبی میں شاندار مقابلوں کے بعد اب پاکستان میں چوکوں اور چھکوں کی بارش ہونے کے قریب ہے۔ پی ایس ایل کا پانچواں اور آخری مرحلہ 9 مارچ سے پاکستان کی سرزمین پر شروع ہوگا جس کے کامیاب انعقاد کے لئے تیاریاں اپنے عروج کو پہنچ چکی ہیں۔ سکیورٹی کے فول پروف انتظامات کئے گئے ہیں۔ پی ایس ایل کے پانچویں مرحلے کا پہلا میچ 9 مارچ کو لاہور قلندرز اور اسلام آباد یونائیٹڈ کے درمیان نیشنل کرکٹ سٹیڈیم کراچی میں کھیلا جائے گا۔ واضح رہے کہ فائنلسٹ ٹیموں کے درمیان پی ایس ایل کا فائنل میچ 17 مارچ کو نیشنل کرکٹ سٹیڈیم کراچی میں ہی کھیلا جائے گا۔
