راولپنڈی ۔3اپریل (اے پی پی):پاکستان سپر لیگ (پی ایس ایل) کے دسویں ایڈیشن کے ٹکٹوں کی آن لائن فروخت شروع ہو گئی۔ ٹکٹ PCB.tcs.com.pk پر آن لائن دستیاب ہیں۔ پی ایس ایل کا افتتاحی میچ 11 اپریل کو اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا۔ پی سی بی کی طرف سے جاری کردہ تفصیلات کے مطابق آن لائن بک کی گئی ٹکٹیں نجی کوریئر کے مقرر کردہ پک اپ مراکز سے بھی حاصل کی جا سکتی ہیں۔
فزیکل ٹکٹ 7 اپریل سے ملک بھر کے نجی کوریئر ٹی سینٹرز پر دستیاب ہوں گے۔ پی ایس ایل چار شہروں راولپنڈی، کراچی، لاہور اور ملتان میں کھیلی جائے گی جس کا فائنل 18 مئی کو قذافی اسٹیڈیم لاہور میں ہو گا۔ پی ایس ایل کے چاروں وینیوز کے عام ٹکٹ 650 روپے میں دستیاب ہوں گے۔ راولپنڈی کرکٹ اسٹیڈیم میں شیڈول افتتاحی میچ کے ٹکٹ 1000 روپے سے 8500 روپے تک دستیاب ہوں گے۔ واضح رہے کہ پی ایس ایل میں شائقین کی دلچسپی کے لیے ہر میچ میں ٹکٹ ریفل بھی ہو گی جس میں مختلف انعامات دیئے جائیں گے۔
Short Link: https://urdu.app.com.pk/urdu/?p=578274
 کے دسویں ایڈیشن کے ٹکٹوں کی آن لائن فروخت شروع ہو گئی){kind=link}