راولپنڈی۔5اپریل (اے پی پی):پاکستان سپر لیگ (پی ایس ایل) کے دسویں ایڈیشن کی فزیکل ٹکٹوں کی فروخت 7 اپریل ( پیر سے) شروع ہو گی۔ پی ایس ایل کا افتتاحی میچ 11 اپریل کو اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا۔ پی سی بی کے مطابق میگا ایونٹ کے فزیکل ٹکٹ پیر سے نجی کوریئر سینٹرز پر دستیاب ہوں گے۔
پی ایس ایل چار شہروں راولپنڈی، کراچی، لاہور اور ملتان میں کھیلی جائے گی جس کا فائنل 18 مئی کو قذافی اسٹیڈیم لاہور میں ہو گا۔ پی ایس ایل کے چاروں وینیوز کے عام ٹکٹ 650 روپے میں دستیاب ہوں گے۔ اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں افتتاحی میچ کے ٹکٹ 1000 روپے سے 8500 روپے تک دستیاب ہوں گے۔ شائقین کی مصروفیت اور دلچسپی میں اضافہ کرنے کے پی سی بی کے ویژن کے ایک حصے کے طور پر ہر میچ کے دوران ایک ٹکٹ ریفل کا انعقاد بھی کیا جائے گا جس میں شائقین دلچسپ انعامات حاصل کر سکیں گے۔
Short Link: https://urdu.app.com.pk/urdu/?p=578620
 کے دسویں ایڈیشن کی فزیکل ٹکٹوں کی فروخت 7 اپریل سے شروع ہو گی){kind=link}