اسلام آباد۔7مئی (اے پی پی):پاکستان سپر لیگ 10 میں کل (بدھ کو) واحد میچ کراچی کنگز اور پشاور زلمی کے مابین کھیلا جائے گا۔ پاکستان کرکٹ بورڈ(پی سی بی )کے زیر اہتمام پی ایس ایل کے دسویں ایڈیشن کے دلچسپ مقابلوں کا سلسلہ جاری ہے،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔
لیگ کے 27 ویں میچ میں جمعرات کو کراچی کنگز اور پشاور زلمی کی ٹیمیں راولپنڈی کرکٹ سٹیڈیم،راولپنڈی میں مدمقابل ہوں گی۔ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔ اسلام آباد یونائیٹڈ کو مایہ ناز آسٹریلوی اوپننگ بلے باز ڈیوڈ وارنر لیڈ کر رہے ہیں اور اس ٹیم میں جیمز وینس،ٹم سیفرٹ ،بین میک ڈرموٹ ،حسن علی،ایڈم ملن اورزہد محمود جیسے بہترین کھلاڑی شامل ہیں۔کراچی کنگز کی ٹیم 10 پوائنٹس کے ساتھ ٹیبل پر تیسرے نمبر پر ہے۔
پشاور زلمی کی ٹیم مایہ ناز بلے باز بابر اعظم کی زیر قیادت میدان میں اترے گی، دیگر نمایاں کھلاڑیوں میں صائم ایوب،عبدالصمد،مچل اون ،محمد حارث،محمد علی،ناہید رانا،الزاری جوزف،عارف یعقوب،لیوک ووڈ اور علی رضا شامل ہیں۔ پشاور زلمی کی ٹیم 8میچز کھیل چکی ہے جن میں اس کو 4 میچز میں فتح نصیب ہوئی جبکہ 4 میں شکست ہوئی ہے۔پشاور کی ٹیم ٹیبل پر 8 پوائنٹس کے ساتھ پانچویں نمبر پر ہے۔ ٹورنامنٹ کا فائنل 18 مئی کو قذافی سٹیڈیم، لاہور میں کھیلا جائے گا۔
Short Link: https://urdu.app.com.pk/urdu/?p=593714
پنجہ آزمائی کریں گی){kind=link}