فیصل آباد۔ 03 جنوری (اے پی پی):ملک میں ترشاوہ پھلوں کے باغبان کی جانب سے جدید پیداواری ٹیکنالوجی سے استفادہ نہ کرنے اور مخصوص موسمی حالات کے ساتھ ساتھ گریڈنگ، پالشنگ، پیکنگ وغیرہ کی مناسب سہولیات کے فقدان کے باعث پاکستان میں کینو کی پیداوار میں بتدریج کمی ہو رہی ہے
جس کے باعث چند سالوں میں پاکستان کینو پیدا کرنیوالے ممالک کی فہرست میں نویں نمبر سے 20ویں نمبر پر آگیا ہے اس لئے اگر اس ضمن میں فوری اقدامات نہ کئے گئے تو کینو کی پیداوار مزید کم ہو سکتی ہے جس سے ملک قیمتی زر مبادلہ سے بھی محروم ہو سکتاہے۔
سٹرس فروٹ گروئرز ایسوسی ایشن کے ترجمان چوہدری شوکت پرویز آرائیں نے بتایاکہ پاکستان میں پانی کی کمی کا مسئلہ دن بدن شدت اختیار کرتا جا رہا ہے۔
انہوں نے کہاکہ پیداواری لاگت میں اضافہ کے باعث کاشتکاروں اور باغبانوں کو اپنی اجناس اور پھلوں کی پیداوار کا مناسب معاوضہ نہیں ملتا جس سے کاشتکار اور باغبان بھی پریشان ہیں۔
Short Link: https://urdu.app.com.pk/urdu/?p=542193
