اسلام آباد۔20مارچ (اے پی پی):پاکستان پوسٹ نے سینیٹ آف پاکستان کی گولڈن جوبلی تقریبات کے موقع پر یادگاری ڈاک ٹکٹ اور سووینئر جاری کیاہے۔ 20 روپے مالیت کا یادگاری ڈاک ٹکٹ 56 35x ملی میٹر سائز کا ہے اور یہ 15 مارچ سے ملک کے تمام اہم ڈاک خانوں میں فروخت کے لیے دستیاب ہو گا۔ ڈاک ٹکٹ کے ساتھ 50سووینئر شیٹ بھی جاری کیا ہے۔ پاکستان پوسٹ اہم قومی مواقع پر یادگاری ڈاک ٹکٹ جاری کرتا ہے ۔ بیرون ملک مقیم پاکستانی منیجر فلیٹلک بیورو کراچی جی پی او، یا منیجر نیشنل فلیٹلک بیورو، اسلام آباد جی پی او سے ڈاک ٹکٹوں کے لئے رابطہ کر سکتے ہیں جبکہ درخواست کے ساتھ بینک ڈرافٹ یا کراسڈ چیک ہونا چاہیے۔
پاکستان پوسٹ اہم قومی اور بین الاقوامی مواقع پر مختلف یادگاری ڈاک ٹکٹ جاری کرتا ہے جس میں عظیم شخصیات اور ان کی کامیابیوں کو خراج تحسین پیش کیا جاتا ہے۔ سینیٹ آف پاکستان اپنی آمد کے 50 سال کی تکمیل کا جشن منا رہی ہے ، پارلیمانی نظام کو مضبوط بنانے اور آزادانہ اور منصفانہ جمہوری جدو جہد، قانون کی حکمرانی کو فروغ دینے میں سینیٹکے اہم کردار کو اجاگر کیا جا رہاہے۔ اس سلسلے میں، یادگاری ڈاک ٹکٹ کا اجرا سینیٹ کی 50 ویں سالگرہ کو یادگار اور موزوں انداز میں منانے کے لیے کئی اقدامات میں سے ایک ہے۔ اس کا بنیادی مقصد ہماری پارلیمانی تاریخ کے اس منفرد موڑ کو منانا ہے تاکہ ایک مضبوط، مستحکم اور یکساں وفاق کے لیے وفاقی اور صوبائی ہم آہنگی اور رابطوں کی کے عزم کی تجدید تجدید کی جا سکے۔
اس تاریخی موقع کو یادگار بنانے کے لیے سینیٹ آف پاکستان نے بھی 15 سے 17 مارچ 2023 تک پارلیمنٹ ہائوس میں ایک تاریخی تین روزہ خصوصی اجلاس بلایا، جو واقعی ایک یادگار اور راہ متعین کرنے والے سفر کی عکاسی کرتا ہے جس کا آغاز ایوان بالا نے کئی برس پہلے کیا تھا۔ 1973 کا سال پاکستان کی پارلیمانی تاریخ میں 1973 کے آئین کی شکل میں ایک آئینی دور کی نشان دہی کے لیے نمایاں رہے گا جس نے دوسری باتوں کے ساتھ ساتھ سینیٹ کو ایوان بالا کے طور پر نامزد کرنے والی دو ایوانوں والی پارلیمنٹ کے لیے فراہم کیا تھا۔ پاکستان سینیٹ کی گولڈن جوبلی ایک متحد، ہم آہنگ اور اچھی طرح سے مربوط فیڈریشن کے طور پر پانچ دہائیوں پر محیط ہماری قومی جدوجہد میں ایک اہم سنگ میل ہے۔
