اسلام آباد۔4جولائی (اے پی پی):پاکستان نے غزہ کے میڈیکل طلبا کو پاکستان میں میڈیکل کی تعلیم مکمل کرنے کی اجازت دینے کا اعلان کیا ہے۔ دفتر خارجہ کی ترجمان ممتاز زہرہ بلوچ نے جمعرات کو یہاں پریس بریفنگ میں کہا کہ یہ فیصلہ نائب وزیراعظم اور وزیر خارجہ محمد اسحاق ڈار کی ہدایت پر پاکستان میڈیکل اینڈ ڈینٹل کونسل (پی ایم ڈی سی) نے کیا ہے، اس سے غزہ کے طلبا پاکستان میں انسانی ہمدردی کی بنیاد پر اپنی طبی تعلیم جاری رکھ سکیں گے۔
انہوں نے کہا کہ غزہ سے تعلق رکھنے والے فلسطینی طلبا 20 سے30 کے بیچوں میں جلد ہی پاکستان کے میڈیکل کالجوں میں شامل ہوں گے۔ ترجمان نے کہا کہ اس فیصلہ سے غزہ کے طلبا پاکستان میں کارڈیالوجی، آرتھوپیڈکس، آنکولوجی، پیڈیاٹرکس اور سرجری کے شعبوں میں اپنی طبی تعلیم مکمل کرسکیں گے تاکہ غزہ کے صحت کی دیکھ بھال کے نظام میں اہم ضروریات کو پورا کیا جاسکے۔
Short Link: https://urdu.app.com.pk/urdu/?p=481690
