اسلام آباد۔13فروری (اے پی پی):پاکستان نے جنوبی فلپائن میں لینڈ سلائیڈنگ سے ہونے والی تباہی پر گہرے افسوس کا اظہار کیا ہے جس کے نتیجے میں متعدد انسانی جانوں کا نقصان ہوا ہے۔
دفتر خارجہ کی جانب سے منگل کو جاری بیان میں فلپائن کی حکومت، عوام اور مرنے والوں کے اہل خانہ سے دلی تعزیت کی گئی ہے۔
بیان کے مطابق یہ موسمیاتی تبدیلیوں کی وجہ سے ہونے والی تباہی اور اس پر قابو پانے کے لیے اجتماعی کوششوں کی ضرورت کے لئے ایک اور سنجیدہ یاد دہانی ہے۔
