کراچی۔ 22 اگست (اے پی پی): پاکستان کرکٹ بورڈ ملک میں باصلاحیت خواتین کرکٹرز کی تلاش کی حکمت عملی کے تحت گراس روٹ لیول پر ٹرائلز کا انعقاد کررہا ہے، ٹرائلز کل( 23سے) 31اگست تک آٹھ اکیڈمیز کے منعقد ہوں گے۔پاکستان کرکٹ بورڈ سے منگل کو جاری اعلامیے کے مطابق ٹرائلز مختلف عمر کی خواتین کرکٹرز کو اپنی صلاحیت دکھانے اور آگے بڑھنے کا موقع فراہم کریں گے۔ ٹرائلز کی نگرانی قومی ویمنز سلیکشن کمیٹی کرے گی جس کے سربراہ سابق ٹیسٹ کرکٹر سلیم جعفر ہیں اور اس میں سابق انٹرنیشنل کرکٹرز مرینہ اقبال اور اسماویہ اقبال شامل ہیں۔ ٹرائلز تین کیٹگریز انڈر 19(کھلاڑی کی پیدائش یکم ستمبر2004یا اس کے بعد کی ہو) ایمرجنگ اور سینئرزمیں ہوں گے۔ٹرائلز سے سلیکشن کمیٹی کو ٹیلنٹ تلاش کرنے اور پاکستان انڈر 19 اور ایمرجنگ اسکواڈز کے سلیکشن میں مدد ملے گی۔پاکستان ایمرجنگ ٹیم اکتوبر میں ویسٹ انڈیز ایمرجنگ اور پاکستان انڈر19ٹیم بنگلہ دیش میں جنوری 2024میں انڈر 19کے تین ملکی ٹورنامنٹ میں حصہ لے گی۔ ویمنز کرکٹ کی ہیڈ تانیہ ملک کا کہنا ہے کہ ہم نے حال ہی میں پہلی مرتبہ 74 خواتین کرکٹرز کے لیے ڈومیسٹک کنٹریکٹس کا اعلان کیا ہے جس نے خواتین کرکٹ کے روشن مستقبل کے ضمن میں ایک شکل واضح کردی ہے۔ ملک گیر ٹرائلز کے ذریعے ہم نئی باصلاحیت کرکٹرز کو آگے لانے کے لیے کوشاں ہیں،آنے والے دنوں میں خواتین کرکٹرز کے کئی ایونٹس ہیں اور ان ٹرائلز سے ہمیں بہترین ٹیلنٹ تلاش کرنے میں مدد ملے گی تاکہ سلیکٹرز انہیں قومی سکواڈز کے لیے زیرغور لاسکیں۔آٹھ اکیڈمیز کے خواتین کرکٹرز کے ٹرائلز کا شیڈول کے مطابق 23اگست کو حنیف محمد ہائی پرفارمنس سینٹر کراچی، انضمام الحق ہائی پرفارمنس سینٹر ملتان24،اگست کو ویمن اسپورٹس سینٹر بہاولپور، کینرڈ کالج فار ویمن لاہور،28اگست کو پنڈ ی کرکٹ اسٹیڈیم راولپنڈی/ اسلام آباد ریجنز،29اگست کوقیوم سٹیڈیم پشاور،30اگست کو ایبٹ آبادسٹیڈیم ایبٹ آباد اور 31اگست کو بگٹی ا سٹیڈیم کوئٹہ میں ہوں گے ۔
Short Link: https://urdu.app.com.pk/urdu/?p=381469