کرائسٹ چرچ۔21جنوری (اے پی پی):پاکستان کرکٹ ٹیم نیوزی لینڈ کا دورہ مکمل کر کے کل( پیر کو ) نیوزی لینڈ سے روانہ ہو گی، پی سی بی کے مطابق ایک گروپ پیر کی رات آکلینڈ سے براستہ دبئی پاکستان کے لیے روانہ ہو گا جس کے بعد یہ اپنے اپنے شہروں کے لیے روانہ ہو جائیں گے ، پاکستان کے لئے روانہ ہونے والے کھلاڑی 23 جنوری کو پاکستان پہنچیں گے ۔
لاہور کے لیے روانہ ہونے والوں میں عامر جمال اور ٹیم منیجمنٹ شامل ہے ۔ شاہین شاہ آفریدی اور اعظم خان آئی ایل ٹی 20 کے لیے دبئی میں ٹھہریں گے ، پشاور جانے والے کھلاڑیوں میں افتخار احمد اور صاحبزادہ فرحان جبکہ کراچی جانے والے کھلاڑیوں میں صائم ایوب اور حسیب اللہ خان شامل ہیں
، عمر گل ، یاسر عرفات ، حارث رؤف ، زمان خان اور محمد نواز اسلام آباد جبکہ اسامہ میر سیالکوٹ کے لیے روانہ ہوں گے ، بنگلہ دیش پریمیئر لیگ کھیلنے والے کھلاڑی (کل) کرائسٹ چرچ سے ڈھاکہ کے لیے روانہ ہوں گے جن میں بابر اعظم ، وسیم جونیئر ، محمد رضوان اور عباس آفریدی شامل ہیں۔
Short Link: https://urdu.app.com.pk/urdu/?p=431893
 نیوزی لینڈ سے روانہ ہو گی){kind=link}