اسلام آباد۔9فروری (اے پی پی):وزیر مملکت برائے آئی ٹی و ٹیلی کام شزا فاطمہ خواجہ نے کہا ہے کہ پاکستان کی آئی ٹی برآمدات میں 28 فیصد اضافہ سے 1.86 ارب ڈالر تک پہنچ گئی ہیں،ڈیجیٹل نیشن ایکٹ 2025 پاکستان کی ڈیجیٹل معیشت میں تبدیلی کا ایک عہد ہے ۔وزارتِ انفارمیشن ٹیکنالوجی و ٹیلی کمیونیکیشن کی جانب سے جاری اعلامیہ کے مطابق لیپ 2025 میں پاک-سعودی بزنس فورم، ڈیجیٹل تعاون میں تاریخی پیش رفت ہوئی ہے ، پاکستان اور سعودی عرب کے درمیان ڈیجیٹل اور اقتصادی شراکت داری کو مزید وسعت دی جا رہی ہے ۔شزا فاطمہ خواجہ نے کہا کہ پاکستان کی آئی ٹی برآمدات میں 28 فیصد اضافہ، 1.86 ارب ڈالر تک پہنچ گئی ہیں ،ڈیجیٹل نیشن ایکٹ 2025 پاکستان کی ڈیجیٹل معیشت میں تبدیلی کا ایک عہد ہے۔
لیپ 2025 کے موقع پر اپنے خطاب میں انہوں نے کہا کہ ڈیجیٹل فارن ڈائریکٹ انویسٹمنٹ (ڈی ایف ڈی آئی) فورم جلد اسلام آباد میں ہوگا، عالمی سرمایہ کاروں کو شرکت کی دعوت دی جاتی ہے۔ وزیر مملکت برائے آئی ٹی و ٹیلی کام شزا فاطمہ خواجہ نے کہا کہ پاکستان سعودی وژن 2030 کے تحت جدید ٹیکنالوجی کے شعبے میں مضبوط شراکت داری چاہتا ہے،ہم سعودی سرمایہ کاروں کو پاکستان کے فِن ٹیک، سائبر سکیورٹی اور کلاؤڈ کمپیوٹنگ کے شعبوں میں سرمایہ کاری کی دعوت دیتے ہیں،پاکستان اور سعودی عرب کے درمیان ڈیجیٹل سرمایہ کاری اور تکنیکی تعاون کے لیے سنہری موقع۔
شزا فاطمہ خواجہ نے کہا کہ پاکستان عالمی معیار کی ڈیجیٹل سروسز فراہم کر رہا ہے، سرمایہ کاروں کے لیے شاندار مواقع موجود ہیں۔لیپ 2025 میں پاکستان نے سب سے بڑی شرکت ہے، 100 سے زائد ٹیک کمپنیاں اور 1,000 سے زائد شرکاء شریک ہوئے ہیں۔ انہوں نے مزید کہا کہ ہم صرف ایم او یوز نہیں، بلکہ حقیقی معاشی ترقی کے لیے معاہدے کر رہے ہیں۔ وزیر مملکت برائے آئی ٹی و ٹیلی کام شزا فاطمہ خواجہ نے کہا کہ ڈیجیٹل کوآپریشن آرگنائزیشن (ڈی سی او) پاکستان کے ڈیجیٹل ترقی میں ایک اہم پارٹنر ہے،وزیراعظم شہباز شریف کی قیادت میں پاکستان میں ڈیجیٹل ترقی اور سرمایہ کاری کے لیے سازگار ماحول پیدا کیا جا رہا ہے،وزیراعظم کی وژنری قیادت کے تحت پاکستان عالمی ڈیجیٹل معیشت میں نمایاں مقام حاصل کر رہا ہے،وزیراعظم کی سرپرستی میں ڈیجیٹل معیشت کے فروغ کے لیے جامع حکمت عملی اپنائی گئی ہے ۔
شزا فاطمہ خواجہ نے کہا کہ پاکستان کی ڈیجیٹل ترقی میں (ایس آئی ایف سی) کا کلیدی کردار ہے اور سرمایہ کاری کے فروغ میں اہم اقدامات کا حامل ہے۔ انہوں نے کہا کہ سپیشل انویسٹمنٹ فیسلیٹیشن کونسل (ایس آئی ایف سی)نے کاروباری ماحول کو مزید بہتر بنانے کے لیے اقدامات کیے ہیں۔ لیپ 2025 میں پاک-سعودی بزنس فورم میں ڈیجیٹل کوآپریشن آرگنائزیشن (ڈی سی او) کی سیکرٹری جنرل دیما الیحییٰ ، سعودی حکومتی و کاروباری شخصیات اور بڑی تعداد میں پاکستانی و سعودی شہریوں نے بھی فورم میں شرکت کی ہے۔
Short Link: https://urdu.app.com.pk/urdu/?p=557837
