قصور۔11 مئی (اے پی پی):پاکستان کی تاریخی فتح پر ریسکیو 1122 اور سول سوسائٹی کا افواجِ پاکستان کو زبردست خراجِ تحسین پیش کرتے ہوئے یوم تشکر منایا گیا ۔پاکستان کی حالیہ عظیم الشان فتح اور دشمن ملک بھارت کی شکست پر عوامی سطح پر خوشی کا اظہار کرتے ہوئے پنجاب ایمرجنسی سروس ریسکیو 1122 قصور نے سول سوسائٹی کے ساتھ ملکر یوم تشکر منایا اور اس سلسلے میں ریلی کا انعقاد بھی کیاگیا جس میں ریسکیو افسران و اہلکاروں سمیت سول سوسائٹی کی بڑی تعداد نے شرکت،
جبکہ اس موقع پر ڈسٹرکٹ ایمرجنسی آفیسر ریسکیو 1122 ڈاکٹر نئیر عالم خان کا کہنا تھا کہ حالیہ بیرونی جارحیت کے جواب میں پاک فوج عوامی امنگوں کی ترجمانی کرتے ہوئے زبردست کارگردگی کا مظاہرہ کیا اور دشمن کے ناپاک عزائم کو خاک میں ملا دیا ریسکیو 1122 قصور اور سول سوسائٹی پاک فوج کو اس شاندار کارکردگی پر خراج تحسین پیش کرتی ہے جس کی بدولت آج قوم کا سر فخر سے بلند ہے ریلی کے شرکاء نے ہاتھوں میں قومی پرچم اٹھا رکھے تھے اور “پاکستان زندہ باد” کے فلک شگاف نعرے لگاتے رہے۔
اس موقع پر ملکی سلامتی، ترقی اور خوشحالی کے لیے خصوصی دعائیں بھی کی گئیں۔ریسکیو 1122 قصور کے اہلکاروں کا کہنا تھا کہ وہ نہ صرف ایمرجنسیز میں اپنی خدمات انجام دے رہے ہیں بلکہ ہر موقع پر قومی جذبے کے ساتھ صفِ اول میں پیش پیش ہیں۔
Short Link: https://urdu.app.com.pk/urdu/?p=595730
