قاہرہ۔23فروری (اے پی پی):پاکستان کی غزہ کے لیے90 ٹن امدادی سامان پر مبنی 25ویں امدادی کھیپ اتوار کو یہاں العریش انٹرنیشنل ایئرپورٹ پہنچ گئی۔
وزیر اعظم محمدشہبازشریف کی ہدایت پر نیشنل ڈیزاسٹر مینجمنٹ اتھارٹی نے الخدمت فاؤنڈیشن کے ساتھ مل کر غزہ کے برادر عوام کے لیے 25ویں امدادی کھیپ روانہ کی۔ پاکستانی سفارتخانہ کی جانب سے جاری بیان کے مطابق پاکستان کا ایک خصوصی طیارہ 90 ٹن امدادی سامان لے کر مصر کے العریش بین الاقوامی ہوائی اڈے پر اترا۔ امدادی سامان میں موسم سرما کے خیموں کے ساتھ ساتھ ترپال کی چادریں بھی شامل ہیں۔
قاہرہ میں پاکستانی سفارتخانے کے حکام نے امدادی سامان وصول کیا اور غزہ کے اندر فلسطینی ہلال احمر سوسائٹی کو آگے بھیجنے کے لیے مصری ہلال احمر سوسائٹی کے حوالے کیا۔ پاکستان کی حکومت اور عوام کی طرف سے مزید امدادی کھیپیں روانہ کی جارہی ہیں جو جلد ہی غزہ کے اندر فلسطینیوں تک پہنچائی جائیں گی۔
Short Link: https://urdu.app.com.pk/urdu/?p=565176
