اسلام آباد۔11مئی (اے پی پی):پاکستان نے پاک۔ بھارت طویل تاریخی فضائی معرکہ میں بھارتی طیاروں کی تباہی کے شواہد منظر عام پر لاکر بین الاقوامی میڈیا کے سامنے ایک بار پھر بھارتی جھوٹ کا پردہ چاک کیا جبکہ بعض بھارتی میڈیا چینلز کی تصدیق کے باوجود بھارت روایتی ہٹ دھرمی اور جھوٹ کا سہارا لیتے ہوئے طیارے گرنے کی خبروں سے انکار کرتا رہا ۔6 اور7 مئی 2025 کی رات پاک فضائیہ اور بھارتی طیاروں کے درمیان پاک۔ بھارت تاریخ کا طویل معرکہ ہوا۔9مئی 2025 کو ڈی جی آئی ایس پی آر نےمشترکہ پریس کانفرنس میں بین الاقوامی میڈیا کے سامنے بھارتی جھوٹ کا پردہ چاک کیا۔ایک گھنٹے سے زیادہ وقت پر محیط اس فضائی جنگ کے دوران پاک فضائیہ کے شاہینوں نے 5 بھارتی طیارے مار گرائے۔
تباہ کئے جانے والے بھارتی طیاروں میں 3 جدید رافیل طیارے، 1 مگ 29 اور ایک SU-30 شامل تھے۔ بھارت نے روایتی ہٹ دھرمی اور جھوٹ کا سہارا لیتے ہوئے طیارے گرنے کی خبر سے انکار کیا۔ کچھ بھارتی میڈیا چینلز نے طیارے گرنے کی خبروں کی تصدیق کی جو بعد میں مودی سرکار نے ہٹوا دیں۔ڈی جی آئی ایس پی آر اور سینئر ائیر فورس آفیسر نے مشترکہ پریس کانفرنس میں بھارتی رافیل طیارے گرانے کے ناقابلِ تردید ثبوت پیش کئے۔ثبوتوں میں بھارتی طیاروں کے نمبرز اور تباہ ہونے کی لوکیشنز بھی دکھائی گئیں۔ڈی جی آئی ایس آر کا کہنا تھا کہ بھارت کے مطابق ہمارا کوئی طیارہ نہیں گرا جبکہ بھارتی میڈیا خود طیارہ گرنے کی خبروں کی تصدیق کرہا ہے ۔طیارہ گرنے کی پہلی خبر "انڈیا ٹوڈے” نے جموں کشمیر کے علاقے پامپور سے دی۔
انڈیا ٹوڈے نے مقبوضہ جموں و کشمیر کے 3 علاقوں میں طیارے گرنے کی تصدیق کی۔بھارتی فضائیہ کے طیارے گرنے کی فوٹیجز میں طیاروں کا ملبہ بخوبی دیکھا جا سکتا ہے گرائے جانے والے طیارے کی "ٹیل” بھارتی 17گولڈن ایرو اسکاڈرن کے رافیل BS-001طیارے کی ہے، فوٹیج میں تباہ ہونے والے طیارے کے انجن کو بھی دکھایا گیا ہے جو بھارتی طیارے کا ہے۔ڈی جی آئی ایس پی آر کا کہنا تھا کہ ہم 21ویں صدی میں رہ رہے ہیں نہ کہ 18ویں صدی میں ہر چیز اپنا نشان چھوڑ جاتی ہے
۔بی بی سی کے نمائندے نے مقبوضہ جموں وکشمیر سے رپورٹنگ کرتے ہوئے کہا کہ پامپور کے علاقے میں رات کو دھماکے کی آواز سنی گئی ، جو طیارہ گرنے کی تھی۔ایسا ہی ایک اور دھماکا جموں کے رام بن کے علاقے میں بھی ہوا ۔بھارتی صحافی پراوین سواہنے نے بھی 6 اور 7 مئی کی رات جموں و کشمیر میں بھارتی فضائیہ کے 3 جیٹ طیاروں کی تباہی کے شواہد دیے۔
انڈین ایکسپریس اور دی ہندو اخبار نے بھٹنڈا کے قریب ایک اور بھارتی طیارہ گرنے کی خبر دی ۔ "دی ہندو” نے 40منٹ کے بعد بھٹنڈا کے قریب طیارہ گرنے کی خبر ہٹا دی۔یہی نہیں بھارتی صحافی پراوین سواہنے اور کرن تھاپر کو معروف بھارتی میڈیا پلیٹ فارم "دی وائر” کے پروگرام میں سچ بولنے پر بلاک کر دیا گیا۔پاک فضائیہ نے دفاعی کارروائیاں پاکستان کی خودمختاری کا تحفظ کرتے ہوئے سر انجام دیں۔
Short Link: https://urdu.app.com.pk/urdu/?p=595686
