پاک بحریہ کا انسداد منشیات آپریشن، بھارتی ساختہ نشہ آور گولیوں کی بڑی کھیپ ضبط

راولپنڈی۔21اکتوبر (اے پی پی):پاک بحریہ نے انسداد منشیات آپریشن کرتے ہوئے بھارتی ساختہ نشہ آور گولیوں کی بڑی کھیپ ضبط کرلی۔ آپریشن کے دوران 2000 کلوگرام چرس، 370 کلو آئس اور 50 کلو ہیروئن ضبط کی گئی ہے۔ آئی ایس پی آر کے مطابق بین الاقوامی مارکیٹ میں برآمد شدہ منشیات کی مالیت 145 ملین ڈالر ہے۔

آپریشن میں بھارتی ساختہ نشہ آور ممنوعہ گولیوں کی بڑی کھیپ بھی ضبط کی گئی۔ ضبط کی گئی منشیات کو اینٹی نارکوٹکس فورس کے حوالے کر دیا گیاہے۔ پاک بحریہ کا کہنا ہے کہ پاک بحریہ خطے کی سمندری حدود میں ہر طرح کی غیر قانونی سرگرمیوں کی روک تھام کیلئے ہمہ وقت سرگرم ہے۔

Short Link: https://urdu.app.com.pk/urdu/?p=515394