اسلام آباد ۔ 5 جون (اے پی پی) پاک بحریہ کے سربراہ ایڈمرل ظفر محمود عباسی نے قوم کو عیدالفطر کے موقع پر مبارکباد دی ہے۔ امیر البحر ظفر محمود عباسی نے عید کی نماز نیول کمپلیکس میں ادا کی۔ ترجمان پاک بحریہ کے مطابق عید کی نماز کے بعد پاک بحریہ کے سربراہ نے مختلف شعبہ جات بشمول سرونگ اور ریٹائرڈ افراد سے ملاقاتیں کیں۔ پاک بحریہ کے سربراہ ایڈمرل ظفر محمود عباسی نے کہا کہ عید کے پرمسرت موقع پر اللہ تعالیٰ ہم پر رحمتیں نازل فرمائے اور ہمیں ایمانِ کامل کی نعمت سے نوازے، پاکستان کے غیور عوام، مسلح افواج بشمول بحری سرحدوں کے محافظوں کو عید کی خصوصی خوشیاں مبارک ہوں۔ اس موقع پرانہوں نے تہہ دل سے پاک افواج کے شہداءکو خراجِ عقیدت پیش کیا۔
