اسلام آباد۔14جون (اے پی پی): ارجنٹینا کی مسلح افواج کےچیف آف جوائنٹ سٹاف لیفٹیننٹ جنرل جوآن مارٹن پےلیو نے سربراہ پاک فضائیہ ائیر چیف مارشل ظہیر احمد بابر سدھو سے منگل کو ان کے دفتر میں ملاقات کی۔
معزز مہمان نے پاک فضائیہ کے اہلکاروں کی پیشہ ورانہ مہارت کی تعریف کی اور حالیہ برسوں میں خود انحصاری کی طرف گامزن پاک فضائیہ کی کامیابیوں کا اعتراف بھی کیا۔ ترجمان پاک بحریہ کے مطابق ایئرچیف نےکہا کہ دونوں ممالک کے درمیان خوشگوار تعلقات قائم ہیں۔
انہوں نے پاک فضائیہ اور ارجنٹائن فضائیہ کےمابین موجودہ دوطرفہ تعاون کو مزید فروغ دینے کے عزم کا اعادہ بھی کیا۔ دونوں معززین نے تربیت اورخود انحصاری سمیت دفاعی تعلقات کو مزید فروغ دینے پر اتفاق کیا.ملاقات کے دوران پیشہ ورانہ دلچسپی اور علاقائی سلامتی کے مختلف امور پربھی تبادلہ خیال ہوا۔
Short Link: https://urdu.app.com.pk/urdu/?p=312409
