راولپنڈی ۔7مئی (اے پی پی):پاک فوج کے بھارتی بزدلانہ حملے کے بعد جوابی وار میں اب تک 3 سیکٹرز پر بھارتی فوج نے شکست تسلیم کرتے ہوئے سفید جھنڈا لہرا دیا۔ سکیورٹی ذرائع کے مطابق رات کی تاریکی میں دشمن بھارت نے پاکستان کے 6 مختلف مقامات پر میزائل داغے تھے جس کے فوری بعد پاکستان کی مسلح افواج نے جوابی وار شروع کیے جو بدھ کی دوپہر تک جاری رہے۔
بھارت کابزدلانہ حملے کے بعد پاک فوج کے جوابی وار کے دوران بھارتی فوج نے سانگھڑ پوسٹ بلمقابل چری کوٹ سیکٹر پر بھی سفید جھنڈا لہرادیا۔پاکستان آرمی کی جانب سے لائن آف کنٹرول پر دشمن کی پوسٹوں کو بھاری نقصان پہنچانے کا سلسلہ جاری ہے۔اس سے قبل , لیپہ ، چورا کمپلیکس پوسٹ اور چکوٹھی سیکٹر میں بھی بھارتی فوج نے سفید جھنڈا لہرا دیا تھا۔جنگ کے دوران سفید جھنڈا لہرانے کا مطلب ، شکست تسلیم کرنا ہے۔پاکستان کی جانب جوابی کارروائی کے نتیجے میں بھارتی بوکھلاہٹ اور خوف میں مبتلا ہو چکی ہے۔
Short Link: https://urdu.app.com.pk/urdu/?p=593843
