پریذیڈنٹ ٹرافی گریڈ ون کرکٹ ٹورنامنٹ کا ساتواں رائونڈ (کل) بدھ سے شروع ہو گا

راولپنڈی۔11فروری (اے پی پی):پریذیڈنٹ ٹرافی گریڈ ون کرکٹ ٹورنامنٹ کا ساتواں رائونڈ (کل) بدھ سے شروع ہو گا اور مختلف وینیوز پر چار میچ کھیلے جائیں گے ۔ سٹیٹ بینک پوائنٹس ٹیبل پر سر فہرست ہے۔

پی سی بی کے مطابق او جی ڈی سی ایل اور کے آر ایل کی ٹیموں کے درمیان چار روزہ میچ یو بی ایل سپورٹس کمپلیکس میں کھیلا جائے گا۔

واپڈا اور ایشال ایسوسی ایٹس کی ٹیمیں این بی پی سپورٹس کمپلیکس میں مدمقابل ہوں گی۔ پی ٹی وی اور ہائیر ایجوکیشن کے درمیان میچ کے سی سی اےسٹیڈیم میں کھیلا جائے گا جبکہ ایس این جی پی ایل اور غنی گلاس کی ٹیمیں سٹیٹ بینک سٹیڈیم میں آمنے سامنے ہوں گی ۔

Short Link: https://urdu.app.com.pk/urdu/?p=559066