پشاور میں بجلی چوری کے خلاف پولیس کارروائیوں سے متعلق رپورٹ ،262ایف آئی آرزدرج،54افرادگرفتار

پشاور۔ 17 ستمبر (اے پی پی):پشاور میں بجلی چوری کے خلاف پولیس کی کارروائیوں سے متعلق رپورٹ سامنے آگئی۔ جاری کردہ رپورٹ کے مطابق 15 دنوں کے دوران بجلی چوروں کے خلاف 262 ایف آئی آرز درج کی گئیں جبکہ بجلی چوری میں ملوث 54 افراد کو گرفتار بھی کیا گیا۔رپورٹ کے مطابق بجلی چوری سے متعلق 269 شکایات موصول ہوئیں جبکہ بجلی چوری میں ملوث 332 افراد کی نشاندہی کی جاچکی ہے۔

پولیس رپورٹ میں بتایا گیا ہے کہ بجلی چوری کی سب سے زیادہ 63 ایف آئی آرز کینٹ ڈویژن میں درج کی گئیں، سٹی ڈویژن میں 35، فقیر آباد ڈویژن میں 21 جبکہ صدر 49، ورسک 45 اور رورل ڈویژن میں 47 ایف آئی آرز درج کی گئیں۔